Il scopo da noss curs è la furmaziun supplementara. Els vulan però era promover il spiert da cuminanza tranter umans senza udida ubain umans cun impediment d'udida ed umans cun udida cumplaina.
Nus chapin las noziuns furmaziun e cultura en il senn cumplessiv. Umans senza udida ed umans cun impediment d'udida han, sin fundament da lur deficits d'infurmaziun e da furmaziun, blers dischavantatgs en in conturn d'umans cun udida cumplaina. Quests dischavantatgs vul Fontana Passugg egualisar. Perquai chatt'ins en il program da furmaziun betg mo curs en il senn pli stretg, mabain er occurrenzas e furmaziuns supplementaras che servan a la cumpagnia ed a l'inscunter da differentas culturas d'udir.