La pensiun Fontana Passugg sin il Riedwiesli è il lieu, nua che Vus chattais ruaus e pudais tancar energia. La pensiun cun sias duas chasas d'albiert è situada en in bel lieu spundiv a Passugg. Cuira, la chapitala grischuna e la pli veglia citad da la Svizra, è mo dus pass davent. En la chavorgia vischina da la Rabiusa tschalatta in dutg alpin e Vus avais ina vista fascinanta sin la val ed il Montalin.
A partir da la chasa pudais Vus spassegiar sur Malix e Churwalden e sur la Via dals Polacs puspè enavos en la pensiun. U alura chaminar sur il Meiersboden enfin a Cuira. En la proxima vischinanza sa chattan er ils enconuschents lieus da vacanzas Tschiertschen, Brambrüesch, Lai/Valbella, Arosa, Flem/Laax, Claustra/Tavau e Savognin ch'As offran purschidas attractivas.